Grobbin mamma

Ég stend á öndinni af stolti. Nú er nýlokið keppni grunnskólanema í stuttmyndagerð og voru verðlaunin veitt í Kringlubíói í gær. Úlli minn og vinir hans sendu inn mynd sem fékk verðlaun sem besta myndin. Ekki nóg með það, heldur fékk mömmusinnardúlludúskur verðlaun sem besti karlleikari í aðalhlutverki. Það voru rúmlega 80 myndir sendar inn svo mér finnst þetta alveg meiriháttar afrek hjá strákunum. Verð að bjóða þeim út að borða fljótlega til að halda upp á þessi afrek.

Sérstaklega finnst mér þetta frábært þar sem Úlli minn hefur verið ákveðinn í að verða leikari bara frá því hann var smápolli. Þegar honum voru afhent verðlaunin sagði talsmaður dómnefndar, já það var sko alvöru dómnefnd, að leikur hans hefði verið nánast fullkominn og að hann ætti örugglega framtíðina fyrir sér. Ég held að ég sé bara ennþá stoltari núna en þegar hann fékk íslenskuverðlaun menntaráðs Reykjavíkurborgar. Þetta svona togast á.

Móðurhjartað er alveg í klessu yfir þessu öllu saman. Aldrei hef ég haft annað en stolt og ánægju af þessum dreng. Hann er algjört yndi.

Athugasemdir

[Hallgerður Pétursdóttir (IP-tala skráð) 21.5.2009 kl. 16:25]

Ég óska þér til hamingju. Já þetta eru frábærara stundir .

[Valgeir Matthías Pálsson (IP-tala skráð) 21.5.2009 kl. 19:22]

Innilega til hamingju Helga mín. Þetta er frábært hjá þér. Þetta er hreint út sagt meiriháttar. Gangi þér vel áfram vinur.

[Hrönn Sigurðardóttir, 21.5.2009 kl. 22:35]

Til hamingju með snúllann

[Eygló, 22.5.2009 kl. 02:39]

Maður Á AÐ VERA svolítið grobbinn í svona tilvikum : )

[Sigrún Jónsdóttir, 22.5.2009 kl. 10:58]

Til hamingju með Úlla þinn  Frábært hjá strákunum

[Styrmir (IP-tala skráð) 22.5.2009 kl. 14:10]

Úlli bróðir er algjör snillingur og hefur alltaf verið. Til hamingju lille bror

[Ragnheiður , 23.5.2009 kl. 17:05]

Innilega til hamingju og njóttu stoltsins :)

[Lára Hanna Einarsdóttir, 24.5.2009 kl. 01:01]

Engin tilfinnig er betri en að vera stoltur af börnunum sínum!  Til hamingju með hann, Helga. 

[Birna Dis Vilbertsdóttir (IP-tala skráð) 25.5.2009 kl. 15:45]

Til hamingju

[Ásthildur Cesil Þórðardóttir, 26.5.2009 kl. 09:24]

Innilega til hamingju Helga mín og Úlli líka. Þetta er frábært og gott vegansesti til framtíðar.  

[Sigrún Þorbjörnsdóttir, 27.5.2009 kl. 20:06]

Til hamingju með Úlla  Frábært, og þú getur vel verið stolt af honum