Stórskáldið Gurrí

Áður en ég og vinnufélagar mínir fórum á árshátíð í Malmö var svona leynivinaleikur í gangi eins og þið hafið lesið um á blogginu hennar Gurríar. Leynivinurinn minn reyndist síðan vera sjálf Gurrí og stóð hún sig alveg fádæma vel. Fyrir utan geisladisk, bók, góða lykt í bílinn og fullt af nammi orti hún vísu með hverri gjöf. Vísurnar voru fjórar en ein hefur horfið af borðinu mínu. Birti hana seinna ef hún kemur í leitirnar, en hér koma hinar þrjár:

 1.

Helga heitir huppleg mær

lagar heljarvillur.

Skín hún oft sem sólin skær

er sargar gluggasyllur.

2.

Urð og grjót, upp í mót.

Ekkert nema Helga Magg.

Velta niður, vera að detta,

er hún Helg' ekki mikil skvetta.

3.

Tíminn líður hratt á gervihnattaöld.

Frammi situr Helga og plottar lúmskt um völd.

Lúmskar sérhvern dag, lúmskar sérhvert kvöld.

Ertu kannski hugsand' yfir öllum rauðu leiðréttingunum?

Þú tekur kannsk' of mikið út úr tippex-bankanum.

 Ef einhver hefur efast um að Gurrí sé snillingur sannast það hér og nú að stúlkunni er ekkert ómögulegt, hún getur allt.

 

 

 

Athugasemdir

[Magnús Geir Guðmundsson, 12.3.2008 kl. 18:16]

Æjá tja, ég myndi nú kannski ekki segja hana "Stórskáld"! Að vísu hefur hún lesið bæði og lært gullaldarkveðskap eftir Tomma borgarskáld og nafna minn Eiríks og vitnar grimmt í þá, enenen...fer nú ekki eftir settum reglum, stelpuskömmin!

[Ásthildur Cesil Þórðardóttir, 12.3.2008 kl. 23:56]

Þetta er nú samt skemmtilegt og til gamans gert hjá henn Gurrý

[Guðrún Jóhannesdóttir, 13.3.2008 kl. 01:18]

Stórskáldið Gurrí

[Brynja skordal, 15.3.2008 kl. 10:21]

Hafðu ljúfa helgi