Löggur geta líka lent í vandræðum

18.3.2008 | 19:58

Löggur geta líka lent í vandræðum

Það er búið að tala svo mikið um löggur sem fara offari og skemma orðspor lögreglunnar að mig langar að segja eina sögu sem greinir frá því hvernig löggur geta algjörlega orðið sér til skammar.

Fyrir mörgum árum vorum við Jón Otti Gíslason heitinn saman á bíl. Við vorum ekki mikið fyrir að skipta okkur af umferðarlagabrotum en þegar bíll svínaði þvert fyrir okkur gátum við ekki annað en elt hann. Sem við hefðum betur sleppt.

Þetta var á þeim árum sem verið var að byggja Broadway í Álfabakkanum og við vísuðum ökumanninum út á auða svæðið sem var þar í kring. Ég snaraði mér valdsmannlega út úr bílnum - og hvarf. Ég hafði stigið ofan í ótrúlega djúpan drullupoll og stóð föst upp á mið læri.

Ökumaðurinn seki kom ósköp kurteis, rétti mér höndina og bauðst til að draga mig upp úr sem hann og gerði. Ég þakkaði manninum kærlega fyrir og leyfði honum að fara - án áminningar. Síðan lá leiðin heim til mín þar sem ég skipti um föt.

Þetta er með því hallærislegasta sem ég hef lent í um dagana og er saga mín í þeim efnum þó ansi skrautleg.

Flokkur: Bloggar | Facebook

Athugasemdir

Bara að gá niðurfyrir sig hehehe...ég man hvernig þetta svæði leit út þá..alger hörmung

Ragnheiður , 18.3.2008 kl. 20:14

Hrönn Sigurðardóttir, 18.3.2008 kl. 20:40

gott að hafa húmor fyrir sjálfum sér..

Hrafnhildur Ýr Vilbertsdóttir, 18.3.2008 kl. 21:06

Hahahaha ég get alveg ímyndað mér hvernig þér leið.

Ásthildur Cesil Þórðardóttir, 18.3.2008 kl. 21:38

Ég ELSKA löggusögur af þér og pabba. Þið voruð náttla best saman!

Skemmtilegasta sagan er AUÐVITAÐ bankaránið (eða hvað sem þetta nú var). En myndin fræga birtist í öllum bókum prakkarar

Kallý, 18.3.2008 kl. 22:09

Já Kallý mín, þær eru margar skrautlegar sögurnar af mér og pabba þínum. Við gátum verið alveg endalaust seinheppin þennan tíma sem við vorum saman á bíl. Kannski ég láti fleiri fljóta seinna.

Helga Magnúsdóttir, 18.3.2008 kl. 22:33