Móðursjúkur köttur

Hún Trítla verður sko aldrei aftur skilin eftir ein heima. Það fer gersamlega með geðheilsuna hjá henni. Við komum heim á mánudaginn og enn eltir hún okkur um allt æpandi og skrækjandi, er helst ekki í rónni nema hún sjái okkur öll í einu og við þurfum stöðugt að halda á henni og klappa henni sem er svo sem allt í lagi ef hún gæti ákveðið sig hjá hverjum hún vilji vera. Hún situr meira að segja um mig sem hef hingað til verið minnst í uppáhaldi hjá henni. Ég ætla bara að vona að kattarskarnið fari að jafna sig.

Flugþjónn í vélinni sem við komum  heim með var bara fyndinn.  Þegar allir farþegar voru sestir, þreyttir og slæptir eftir helgina var farið að dreifa íslenskum blöðum. Eitthvað fannst flugþjóninum undirtektirnar dræmar, því hann sagði stundarhátt: Nýr borgarstjóri í Reykjavík. Annar hver farþegi hrökk upp og þá bætti hann við: Nei, bara grín. Alltaf gaman þegar fólk hefur húmor.

Athugasemdir

[Simbi Sæfari (IP-tala skráð) 29.3.2008 kl. 12:41]

Voða vesen er þetta vegna kattarforsmánar  Ef hún er farin á geði er þá nokkuð annað að gera en að leggja hana inn?  Eru ekki komnir tveir eða fleiri dýraspítalar, en kannski er engin geðdeildin.  Allavega reynið að fá róandi fyrir ófétið.

[Jóna Á. Gísladóttir, 30.3.2008 kl. 15:53]

Aumingja Trítla. Ég hló af flugþjóninum. Ég er svoooo sammála, gott þegar fólk hefur húmor.

Vildi svara þér með Vogahverfið. því ég ólst þar upp. Nánari tiltekið í Sólheimum 8 (beint á móti langholtskirkju). Var reyndar í Vogaskóla í 6 ára bekk en svo varð ný hverfaskipting og ég fór í Langholtsskóla í 7 ára bekk.

Segir þetta þér eitthvað?

[Ásthildur Cesil Þórðardóttir, 30.3.2008 kl. 16:04]

Hahaha góður.  En hvað ég skil kisu, við vorum utan í þrjár vikur og okkar Brandur kvartaði í fleiri daga, og vék ekki frá okkur. Alveg merkilegt hvað kettir geta verið kærir að heimilisfólki og félagsskap.

[Helga Magnúsdóttir, 30.3.2008 kl. 18:52]

Já, Jóna, við höfum bara verið rétt hjá hvor annarri, var í Ferjuvogi en er núna í Nökkvavogi. Hef greinilega tekið eftir þér þótt þú sért miklu yngri en ég. Þú hefur bara alltaf verið svona eftirtektarverð.

[Jóna Á. Gísladóttir, 30.3.2008 kl. 23:57]

hahaha kannski bara. Kannski myndi ég kannast við þig ef ég sæi þig. Ekki hefurðu farið langt. Haldið þig í hverfinu. Þetta er líka gott hverfi.