Fanturinn í Austurríki

Ég er búin að vera bara hálflasin eftir að hafa lesið um þennan karldjöful  í Austurríki og hvernig hann fór með dóttur sína. Það blogga margir um þetta og tala um að hann sé veikur, hafi verið misþyrmt í æsku og ég veit ekki hvað og hvað.

Af hverju vill fólk ekki trúa því að sumir eru bara hreinlega illa innrættir og vondar manneskjur? Ég held að atferli karla sem leggjast á minnimáttar eigi ekkert skylt við kynlíf. Þetta er bara spurning um völd, hvað þú getur komist upp með. Konan hans hlýtur að hafa vitað að eitthvað gruggugt hafi verið á seyði. annað getur bara varla verið. Hvernig kemst maður hjá því að vita að nánast heil fjölskylda sé í sama húsi? Þá er spurning hvort kerlingaródóið hafi verið samsek eða svo langkúguð að hún hafi ekki þorað að gera neitt dóttur sinni til hjálpar. En hversu langt er maður leiddur þegar maður lætur svona viðbjóð og ofbeldi viðgangast í eigin húsum?

Þessi kona sem var læst inni í öll þessi ár á sér örugglega ekki viðreisnar von. Börnin þeirra þurfa að lifa við að vera ávextir þessarar grimmdar og skepnuskapar sem móðir þeirra mátti þola. Afi þeirra er nauðgari og barnaníðingur en líka pabbi þeirra. Hvað er hægt að standa undir miklu án þess að brotna gjörsamlega og vera merktur fyrir lífstíð?

Ég er á því að þarna sé um að ræða óþverra af verstu sort og vildi óska að hægt væri að dæma hann út frá því. En það verður bara ekki gert, sálfræðingar og geðlæknar eiga eftir að hópast í kringum hann og segja að hann sé "veikur" og ekki sjálfráður gerða sinna. Afsakið meðan ég æli.

 

 

Athugasemdir

[Ragnheiður , 28.4.2008 kl. 22:03]

Helga, sendu mér email á [e-mail]

[M, 28.4.2008 kl. 22:17]

Maður skilur ekki hvernig þetta gat viðgengist öll þessi ár. Hvernig það fór fram hjá t.d. eiginkonunni, en fékk 3 börn á tröppurnar "frá dótturinni" . Afhverju var ekki kölluð út leit af manneskjunni 18 ára. Þetta segir bara að eiginkonan var líka fórnalamb þessa sýkta manns ( ef mann er hægt að kalla)

[Simbi Sæfari (IP-tala skráð) 29.4.2008 kl. 02:12]

Ja fussu svei... Svona menn ætti skilyrðislaust að gelda.  Þetta er  í mannsmynd og að konan hans hafi ekki vitað af þessu, öll þessi ár,  trúir maður tæpast.  Annað hvort er kerlingin daufdumb eða þroskaheft nema að hvort tveggja sé.  Þessi maður er sjúkur á sál og líkama og fær sína refsingu í fyllingu tímas.  Og hugsið ykkur manninn sem bjó ofan við þessa kjallarholu í 12 ár.  Heyrði allskyns torkennileg hljóð og högg.  Sá karlinn aka hjólböruhlassi af mat æ ofan í æ, að kjallaradyrunum og einnig hótaði hann leigjendum öllu illu ef þeir kæmu svo mikið sem í námunda við kjallarann.  Ekki svo mikið sem hvarflaði að eþssum leigjanda eða öðrum að eitthvað væri athugavert við þetta.  Eða erum við allmennt svona glámskyggn gegn því sem okkur er næst.  Það er á svona stundum sem sumt fólk, líka ég, fer að aðhyllast dauðarefsingu.  Ég tel mig geta horft á svona mann hengdan án þess að blikna.

[Kristín Gunnarsdóttir, 29.4.2008 kl. 10:56]

Ég er svo sannarlega sammála þér mín kæra

[Ásthildur Cesil Þórðardóttir, 29.4.2008 kl. 18:45]

Læsa hann inn í smákompu og henda lyklinum... eða þannig.  Nei maður verður alveg örvinglaður að heyra um svona mannvonsku, og hvernig í ósköpunum hann hefur komist upp með þetta öll þessi ár. 

[Helga Magnúsdóttir, 29.4.2008 kl. 20:29]

Ég segi eins og Simbi, það færi ekkert  um mig ef ég sæi þennan fant hengdan. Vildi þó samt fyrst hafa hann í gapastokk við aðalgötu bæjarins þar sem fólk gæti sparkað í hann, hent í hann rusli og grjóti og hrækt á hann. Svona illmenni eiga ekki betra skilið.

[Huld S. Ringsted, 29.4.2008 kl. 20:57]

Ég er sammála hverju orði hjá þér.

[Halla Rut , 1.5.2008 kl. 15:03]

Sammála.

Gaman að sjá þig.  

[Birna Dis Vilbertsdóttir (IP-tala skráð) 1.5.2008 kl. 21:26]

Hræðilegt mál

[Kallý, 1.5.2008 kl. 21:50]

Til hamingju með myndina

[Tiger, 2.5.2008 kl. 03:25]

Já, mikil er mannvonskan í heiminum og víða mætti taka til. Verst þegar svona lagað bitnar á börnunum sem saklaus fæðast í þennan grimma vítahring.

[Ásdís Sigurðardóttir, 3.5.2008 kl. 12:47]

Þetta er svo skelfilegt að ég næ því ekki að skilja þetta.  Kveðja til þin.

[Baldur vinnufélagi (IP-tala skráð) 6.5.2008 kl. 12:42]

Ég er þér hjartanlega sammála. Hann verður dæmdur vanhæfur og verður ekki refsað. Réttast væri að láta hann dúsa í 24 ár í sinni eigin dýflissu. Leyfa honum ekki að sjá sólarljósið framar.

Það er gaman að lesa bloggið þitt. Þú ert greinilega ekki á réttum hér í vinnunni. Átt að vera að skrifa :)

[Guðrún Jóhannesdóttir, 7.5.2008 kl. 12:36]

Ég mundi nú helst vilja sjá hann lokaðan inni það sem eftir er, ég sé ekki tilgang í illri meðferð að öðru leiti á manninum, verknaður hans lagast ekki við það að illa sé farið með fantinn, því miður.