Skyndihjálp gegn einelti

8.5.2008 | 12:56

Þegar hann Úlli minn var í fyrsta bekk varð hann fyrir dálitlu einelti. Það var út af því að hann var óskaplegur bókaormur, var á bókasafninu á meðan hin börnin lærðu stafina og síðast en ekki síst að hann hafði enga hæfileika til og ennþá minni áhuga á að spila fótbolta. Við ræddum þetta við kennarann hans og bar hann því við að ekki væri til nógur mannskapur til að fylgjast með í frímínútum.

Nú voru góð ráð dýr, ekki gat ég horft upp á barnið mitt svona óánægt. Hann átti að vísu tvo góða vini en þeir voru báðir eldri en hann og þar af leiðandi ekki í sama bekk. Svo fékk ég hugmynd, alveg afbragðshugmynd þótt ég segi það sjálf. Jón Valgeir Williams er systursonur minn, 2 metrar á hæð og um 150 kíló og það er ekki snefill af því fita. Hann er mikill aflrauna- og kraftlyftingamaður og Úlfar leit alveg taumlaust upp til hans.

Við Jón rottuðum okkur saman, siðan var farið og keyptur gemsi handa drengnum og hann stilltur þannig að ef Úlfar ýtti á 1 myndi Jón Valgeir koma. Tvær vikur liðu og ekki hringdi Úlfar í Jón en var miklu gjaðari og kátari en fyrr. Ég talaði við kennarann hans og sagði honum frá þessu ráðabruggi og hvort breyting hefði orðið. Kennarinn sagði að Úlfar væri allur annar maður sem rigsaði um eins og hani á haug og svaraði fyrir sig fullum hálsi og þá var málið dautt. Það var nefnilega ekkert gaman að hrekkja þennan nýja Úlfar. Hann var kominn með sjálfstraustið í úlpuvasann, það bakland sem hann þurfti.

Stórir frændur og gemsar duga því vel og deili ég þessari aðferð með ykkur sem eigið kannski börn sem eiga við svipuð vandamál að etja.

Flokkur: Bloggar | Facebook

Athugasemdir

Þetta var þörf ábending! Ég er nefnilega þannig í sveit settur að ég get notað þetta vegna a.m.k., eins af barnabörnunum mínum. Takk!

Kær kveðja,

Björn bóndi.

Sigurbjörn Friðriksson, 8.5.2008 kl. 13:09

Jamm, super ad malin leystust farsaldarlega.. snidug hugmynd hja ther! Eigdu ljufa nott og godan dag a morgun...

Tiger, 9.5.2008 kl. 03:33

algjör snilld, gott að þetta fór vel

Gríman, 9.5.2008 kl. 12:26

þ'u ert frábær að láta þér detta þetta í hug Helga mín. Hehehehehe.. sannarlega svo satt og rétt, þannig þarf að taka á þessum eineltismálum. Góð og þörf ábending.

Ásthildur Cesil Þórðardóttir, 9.5.2008 kl. 13:10

Frábært. Viltu skila kveðju til Jóns Valgeirs, hann og dóttir mín voru og eru vinir, hún heitir Solla og er núna búsett í London. Jón Valgeir kom oft inn á heimili mitt þegar þau voru unglingar og líkaði okkur hjónum alltaf sérlega vel við hann. Eigðu ljúfa helgi mín kæra