Ranghugmyndir og léleg raunveruleikatengsl

Þá er það orðið deginum ljósara að maðurinn minn hefur fengið þá flugu í höfuðið að við séum millar. Í vikunni keypti hann tvo leðursófa og hornborð í stofuna.

Ekki nóg með það heldur er hann búinn að skipuleggja, panta OG borga æðislegt sumarfrí. Við byrjum á því að fljúga til Barcelona og verðum þar í viku. Þá tekur við 12 daga sigling með skemmtiferðaskipi sem heitir hvorki meira né minna en Brilliance of the seas. Það verður siglt til Ítalíu, Frakklands, Króatíu og Túnis. Síðan aftur til Barcelona þar sem við verðum í tvo daga og svo heim. Þetta verður örugglega alveg æðislegt en mér líst að mörgu leyti ekkert á að vera á þessum slóðum í ágúst. Verður örugglega alveg rosalega heitt.

Við horfðum á Eurovision í gærkvöldi, en vinur hans Úlfars kom og horfði með okkur og þeir félagar töluðu svo mikið að ég heyrði bara brot úr sumum lögum og af öðrum ekki neitt. Kaus samt Albaníu, fannst það flottast af því sem ég heyrði.

Athugasemdir

[Ragnheiður , 25.5.2008 kl. 18:12]

Ég er svo nísk að ég tímdi ekki að kjósa hehehe

[Guðríður Hrefna Haraldsdóttir, 25.5.2008 kl. 18:42]

Mikið áttu góðan mann. Ef ykkur vantar töskubera þá er ég til í tuskið!

Æ, ég gat ekki gert upp á milli nokkurra laga og áður en ég vissi af var tíminn til að kjósa Evróvisjónlag útrunninn!  

[M, 25.5.2008 kl. 19:33]

Frábært hjá kalli. Mörg prik frá mér   Barcelona er frábær borg og ekki leiðinegt að fara í svona siglingu. Á þetta eftir þegar börnin eru flogin

[Helga Magnúsdóttir, 25.5.2008 kl. 20:09]

M, þú þarft ekkert að bíða eftir að börnin fljúgi, við tökum okkar 15 ára með okkur. Gurrí, hugsa til þín ef okkur vantar töskubera. Væri annars alveg til í að hafa þig með bara upp á skemmtilegheitin.

[Hrafnhildur Ýr Vilbertsdóttir, 25.5.2008 kl. 20:22]

En frábært..held að það sé æðislegt að ferðast svona...

[Birna Dis Vilbertsdóttir (IP-tala skráð) 26.5.2008 kl. 10:35]

Ummmmm fríið verður örugglega gott.Ég kaus Ísrael

[Kristín Gunnarsdóttir, 26.5.2008 kl. 12:29]

Þú heppin, það er aldeilis, njóttu vel.

Knus til þín

[Ásdís Sigurðardóttir, 26.5.2008 kl. 20:22]

FRÁBÆRT  kallinn hefur verið í stuði.  Njóttu frísins.

[Tiger, 26.5.2008 kl. 21:02]

   Aldeilis kappi sem þú átt þarna mín kæra. Ekki amalegt að fara í svona flotta siglingu - en ég er sammála þér að tíminn er dálítið sjóðandi heitur, en Ágúst er einn af heitustu mánuðunum á þessum slóðum öllum. En, úti á sjó verður örugglega svalt og ljúft. Regína og Friðrik voru æði! Knús á þig ljúfan og hafðu það gott.

[Kristín Björg Þorsteinsdóttir, 30.5.2008 kl. 13:32]

Þetta verðu frábært frí fyrir ykkur fjölskylduna......sigling og sól.......getur það verið betra....