Ísbjörn og fleira

Ég var ein af þeim sem æstu sig upp úr skónum þegar ísbjörninn var skotinn. Eftir að hafa hlustað á Þórunni Sveinbjarnardóttur umhverfisráðherra í Íslandi í dag í gær hef ég alveg skipt um skoðun. Við eigum ekkert það sem til þarf til að ná ísbirni lifandi. Ekki almennilega þyrlu, ekki búr, ekki deyfilyf eða viðeigandi byssu. Átti bara að svæfa björninn og bíða eftir því að hann rankaði við sér aftur án þess að hafa nokkur ráð til að hemja hann eða flytja?

Mér finnst þetta allt annað mál en þegar sjómennirnir frá Bolungarvík hengdu björninn sem þeir sáu á sundi. Þeir áttu bara að láta hann í friði. Ég var á fæðingardeildinni þegar það gerðist og man eftir að hafa setið í rúminu að gefa unganum mínum brjóst alveg foxill. Langafi minn Jón Valgeir Hermannsson mætti ísbirni fyrir rúmlega hundrað árum. Hann var svo heppinn að vera með framhlaðning meðferðis og gat því skotið skepnuna. Þessi langafi minn var víst mikið hraustmenni og ganga margar sögur um hann í fjölskyldunni enn þann dag í dag.

Nú ætla ég að snúa mér að öðru og jákvæðara. Eins og komið hefur fram á blogginu mínu slasaðist maðurinn minn alvarlega fyrir rúmum sjö árum. Hann hefur stöðugt verið kvalinn síðan og nú var svo komið að verkjalyfin voru hætt að virka. Fyrir viku var prófað að setja á hann morfínplástur og líður honum nú betur en honum hefur liðið frá því hann slasaðist. Er ekki verkjalaus en er farinn að tala um að mála forstofuna og stofuna. Það hefði ekki komið til greina fram að þessu. Ég er alveg alsæl með þetta því það er svo vont að horfa upp á þann sem maður elskar vera stöðugt kvalinn. Ég vona bara að það líði langur tími þangað til þessir plástrar hætta að virka.

Athugasemdir

[Ragnheiður , 4.6.2008 kl. 13:41]

Já vonandi er hægt að hafa manninn þinn verkjalausan, frábært að þetta virkar.

[Jenný Anna Baldursdóttir, 4.6.2008 kl. 14:32]

Ísbjörninn: No comment.  Frammistaða Þórunnar í Íslandi í dag, í gær: No comment.

En innilega til hamingju með að manninum þínum líður betur.  Gott að heyra.

[Ásdís Sigurðardóttir, 4.6.2008 kl. 18:52]

Yndislegt að heyra að maðurinn þinn er verkjaminni, þekki svoleiðis gleðitilfinningu.  Þetta með ísbjörninn, hef verið að pæla, ef við Íslendingar brjálumst yfir þessu, erum við ekkert betri en friðarsinnarnir í útlöndum sem eru að banna okkur að veiða hvali.  Þetta dýr var á röngum stað á röngum tíma og átt sér enga framtíð.Kæ kveðja

[Tiger, 5.6.2008 kl. 20:00]

  Þó það sé leitt að hafa þurft að deyða dýrið - þá var það samt langbesta lausnin - svo ég er sáttur þar.

Hvernig er það - er ekkert hægt að gera fyrir manninn þinn svo hann þurfi ekki að ganga í gegnum lífið með verkjalyfjum? Er ekkert hægt að komast fyrir það sem veldur verkjunum? Æi ég vona það nú - en annars gott að vita að það er þó eitthvað hægt að gera við verkjunum svo honum líði nú betur. Knús á þig ljúfan.

[Gríman, 5.6.2008 kl. 20:19]

það er erfitt að setja sig í þau spor að vera kvalinn alla daga, en það gleður mig að heyra að hann fékk lyf við hæfi, til hamingju fjölskylda með það.

Ísbjarnarmálið stóra : pældu í því ef einhver göngugarpurinn hefði verið á vappi þarna!! ég fæ bara hroll...

kv Sigurbjörg

[M, 5.6.2008 kl. 23:44]

Gott að heyra með manninn þinn xx