Giftingarbrandari

Þegar við hjónin giftum okkur fyrir 28 árum fórum við til borgarfógeta til að láta pússa okkur saman. Við sátum tvö inni í salnum og vorum að tala saman og hlæja þegar alveg einstaklega geðvondur ritari kom inn og horfði illskulega á okkur. "Þið eruð bara kát og glöð að vera að ganga inn í þetta samband sem allir aðrir eru að reyna að losna úr," hreytti hún út sér og bætti svo við: "Alveg er ég hissa á ykkur að vilja giftast hér." Ég fann að maðurinn minn tilvonandi stirðnaði upp en gat ekki spurt hann þar sem borgardómarinn kom inn rétt í þessu.

Eftir athöfnina fórum við á Lækjarbrekku að fá okkur að borða. Þá fékk ég skýringuna á viðbrögðum mannsins við orðum ritarans. Honum heyrðist hún segja: "Alveg er ég hissa á honum við vilja giftast þér" og móðgaðist vitanlega fyrir hönd sinnar heittelskuðu.

Að lokum má geta þess að borgarfógeti lýsti því yfir að þetta væri í fyrsta skipti sem hann gæfi saman lögregluþjón og sjómann. 

Athugasemdir

[M, 10.6.2008 kl. 22:56]

Var þetta fólk á lyfjum ? Ég segi ekki annað.

[Guðríður Hrefna Haraldsdóttir, 10.6.2008 kl. 22:58]

Hahhahahaha, snilld! Ef ég geng einhvern tíma út aftur þá nenni ég ekki að hafa það í kirkju, sýsli er bara flottur. Verst að ef ég vildi giftast um helgi þá yrði föstudagur fyrir valinu og einhvers staðar las ég að ef fólk giftist á föstudegi yrði brúðurin með sífelldan hausverk ... man þetta samt ekki alveg. Á hvaða degi giftir þú þig?

[Jenný Anna Baldursdóttir, 10.6.2008 kl. 22:59]

Hahahaha, ég er í kasti. 

[Ragnheiður , 10.6.2008 kl. 23:05]

Æj hehehehe þetta var þó skemmtileg saga...við stefnum á svipaða leið þegar við megum vera að...nenni alls ekki kirkjubrúðkaupi aftur

[Ásdís Sigurðardóttir, 10.6.2008 kl. 23:11]

Gurrý ég skal gifta þig, ekki málið.  Sagan er góð. 

[Hrönn Sigurðardóttir, 10.6.2008 kl. 23:21]

hahahahahah frábært!!

[Andrea, 10.6.2008 kl. 23:24]

Hahaha góð saga!!

[Tiger, 11.6.2008 kl. 02:42]

   Ussuss .. sú geðvonda hefur sennilega bara verið piparjúnka sem var að öfundast smá. En snilld - að gefa saman sjóara og löggu. Knús á þig ljúfan og eigðu góða nótt.

[Birna Dis Vilbertsdóttir (IP-tala skráð) 11.6.2008 kl. 10:43]

[Hrafnhildur Ýr Vilbertsdóttir, 11.6.2008 kl. 13:08]

hahahaha

[Heiður Þórunn Sverrisdóttir, 11.6.2008 kl. 18:26]

frábær saga

[Huld S. Ringsted, 11.6.2008 kl. 19:13]

[Helga Magnúsdóttir, 11.6.2008 kl. 19:59]

Ég giftist á föstudegi og er ekkert með hausverk. Gifti mig hjá borgardómara í bæði skiptin. Hefur aldrei langað til að líta út eins og rjómaterta í kirkju.

[Jens Guð, 11.6.2008 kl. 20:55]

  Það er alvanalegt að lögregluþjónar og sjómenn giftast hver öðrum.  Hinsvegar er nánast óþekkt að þeir geri það hjá borgarfógeta. 

[Jóna Á. Gísladóttir, 12.6.2008 kl. 00:16]

hihi eiginmanninum tilvonandi hefur væntanlega langað að kýla ritarann kaldan.

[Ásthildur Cesil Þórðardóttir, 13.6.2008 kl. 01:36]

Hahahahaha frábært aldeilis  Bara ein spurning, hvort var sjómaðurinn og hver var löggann Knús á þig inn í nóttina og innilega takk fyrir hláturinn.

[Margrét Össurardóttir (IP-tala skráð) 13.6.2008 kl. 10:23]

hihihihihihihihihihahahhahaha

[Kristín Gunnarsdóttir, 14.6.2008 kl. 12:23]

þessi var góður.

Eigðu góðan dag vinan