1. desember

Í dag er fyrsti desember. Það minnir mig á að þegar Úlfar var þriggja fjögurra ára kom hann með það verkefni heim úr leikskólanum að við ættum að segja honum eitthvað merkilegt og hann ætti síðan að segja hinum börnunum frá því hvað hann hefði lært.

Ég lagði heilann í bleyti og datt ekkert í fyrr en það rann upp fyrir mér að 1. desember væri á næsta leiti. Ég settist því niður með drengnum og fræddi hann um 1. desember í þaula og hann var mjög eftirtektar- og áhugasamur.

Þegar ég kom svo að sækja hann eftir helgina dró ein fóstran mig til hliðar og sagði mér hvernig honum hefði tekist til. Útskýringarnar hjá honum voru svona.

Sko, áður en 1. desember kom var kóngurinn í Danmörku með fjarstýringu. Svo þegar 1. desember var búinn höfðu Íslendingar sjálfstýringu.

Segið svo að hann komist ekki til skila sá fróðleikur sem við veitum börnunjum.

Athugasemdir

[Sigrún Jónsdóttir, 1.12.2008 kl. 17:40]

Frábær túlkun.

[Sólveig Kristín Gunnarsdóttir, 1.12.2008 kl. 21:27]

ótrúlega gott, kóngurinn af danmørku med fjarstýringu...

[Tiger, 2.12.2008 kl. 01:59]

 Hahaha .. ég er löngu búinn að sjá það út að kappinn þinn ungi er bara hreinasti snillingur! Saga hans er nú bara efni í góða skemmtilega gamanbók sko ..

Knús á þig skottið mitt og hafðu ljúfa vikuna framundan!

[alva (IP-tala skráð) 2.12.2008 kl. 08:42]

ansi gott hjá stráksa

[Ásthildur Cesil Þórðardóttir, 2.12.2008 kl. 09:37]

Hahahaha góður, fjarstýring og sjálfstýring, yndislegt alveg.  Takk fyrir þessa hláturgusu.

[Kristín Gunnarsdóttir, 2.12.2008 kl. 13:22]

Þessi var sko góður hjá honum

[Jenný Anna Baldursdóttir, 3.12.2008 kl. 08:07]

Dúllan.

[Birna Dis Vilbertsdóttir (IP-tala skráð) 3.12.2008 kl. 13:31]