Hversu lágt er hægt að leggjast?

8.12.2008 | 18:57

Hversu lágt er hægt að leggjast?

Ég var að lesa frétt í vinnunni sem gekk gjörsamlega fram af mér og ég er fjúkandi reið. Samtökin Neisti sem ætluð eru til styrktar hjartveikum börnum höfðu með frjálsum framlögum og söfnunum tekist að öngla saman 90 milljónum á 12 árum. Þessi samtök eru mjög þörf þar sem mikið af hjartaaðgerðum á börnum þurfa að fara fram erlendis og einnig, eins og allir vita, verður fólk með langveik börn fyrir miklu tekjutapi því oft þarf annað foreldrið að vera heima til að sinna barninu. Um sjötíu börn fæðast hér á landi með hjartagalla á ári en aðeins þriðjungur aðgerða getur farið fram hér á landi.

Neisti treysti Landsbankanum fyrir peningunum sínum. Fóru sérstaklega fram á að fjárfestingin yrði að vera alveg örugg þar sem þetta séu peningar líknarfélags. Þeim var vitanlega ráðlagt að setja hluta peninganna í þessa frægu peningasjóði. Nú er Neisti búinn að tapa þriðjungi peninganna sem áttu að fara til að styrkja langveik börn og fjölskyldur þeirra. Ég er svo hneyksluð og reið að mér er skapi næst að stofna til mótmælafundar við Landsbankann og krefjast þess að þessum fjármunum verði skilað.

Er hægt að leggjast lægra en að stela peningum frá langveikum börnum? Ég held ekki.

Flokkur: Bloggar | Facebook

Athugasemdir

Nei - ég held ekki!! Hvað er að þessu fólki?? Hvar er siðferðiskenndin? Voru þau fjarverandi þegar henni var úthlutað?

Hrönn Sigurðardóttir, 8.12.2008 kl. 19:45

Ømurlegt.

Sólveig Kristín Gunnarsdóttir, 8.12.2008 kl. 20:40

Þetta er skelfileg lesning !

Fann þetta hjá Heiðu:

Ég hefði sko verið til í að vera á þingpöllum ef ég hefði bara vitað að það stæði til. Ég tók leigubíl í dag, það var svona leigubílstjóri sem er búinn að keyra í 25 ár, hann var svo hneykslaður á þessu að hann sagði: Þeir eiga eftir að drepa einhvern.

Það munaði engu að ég henti mér út á ferð yfir að vera í bíl með svona forpokuðum karli.

Verst að ég gat ekki sent þér víðsýnni mann en þennan í dag... sowwwwwy

Ragnheiður , 8.12.2008 kl. 22:32

ÆÆ, og hann var frá BSR og allt. Fæ bara betri karl næst þetta hlýtur að vera gott starfsfólk þarna fyrst þú ert þarna, Ragga mín.

Helga Magnúsdóttir, 8.12.2008 kl. 22:42

Takk Helga mín

Ég þorði ekki að gefa mig fram í dag hehe ....ænó..æm sauður

Ragnheiður , 9.12.2008 kl. 00:17

Ótrúleg illmennska, hvar er blaðaumfjöllun um þetta mál? Eða kemur það sér of illa fyrir einhverja að þetta komist í hámæli Takk fyrir að vekja athygli á þessu Helga mín.