Helga hetja

Það er svo mikið rætt um kreppu, verðhækkanir, atvinnuleysi og allt sem því fylgir að mér datt í hug að skella hér eins og einni gamalli löggusögu þótt margir séu eflaust orðnir dauðleiðir á þeim.

Það var laugardagskvöld og tilkynnt um hópslagsmál fyrir utan Hollywood. Bíllinn sem ég var í var næstur svo við komum fyrst á staðinn og sáum strax að það var allt vitlaust. Það var þó ekki um annað að ræða en að skella sér í slaginn. Ég var búin að snúa niður mann og var að fara að járna hann þegar skyndilega var rifið í handjárnin hjá mér og mér svipt til. Ég leit upp og sá þá þann alstærsta mann sem ég hafði á ævi minni séð. Ég meina það, hann var eins og Esjan, eða það fannst mér allavega við þessar aðstæður.

Ég sá strax að í þennan risa hafði ég ekkert að gera og varð vægast sagt skíthrædd. Svo heyrði ég alveg svakalega litla og mjóróma rödd: "Viltu gjöra svo vel að sleppa handjárnunum mínum." Jú, þetta var ég að tala, bara ekki með minni venjulegu rödd. Tröllið horfði á mig smástund, sleppti svo handjárnunum og labbaði burt. Ég kláraði að járna hinn manninn og koma honum inn í bíl og prísaði mig sæla.

Stundum borgar það sig bara að vera kurteis.

Athugasemdir

[Sigrún Jónsdóttir, 7.1.2009 kl. 22:22]

...kurteisin er yfirleitt sterkasta vopnið

[Guðrún Þorleifs, 7.1.2009 kl. 22:51]

Snéri niður mann og bræddi annan

Svakaleg hetja ertu  

[Guðrún Pálína Karlsdóttir, 7.1.2009 kl. 22:53]

Haha þetta er mjög góð löggu saga(vopna saga)Hafðu það sem best.Kv

[Sigrún Þorbjörnsdóttir, 7.1.2009 kl. 23:35]

Haha, já kurteisin borgar sig alltaf. Það er ekki hægt að fá leið á sögunum þínum, alltaf jafn skemmtilegar

[Jenný Anna Baldursdóttir, 7.1.2009 kl. 23:44]

[Hrönn Sigurðardóttir, 8.1.2009 kl. 08:55]

Fæ aldrei leið á sögunum þínum.

[Heiður Þórunn Sverrisdóttir, 8.1.2009 kl. 13:11]

þessi er góð.

[Valgeir Matthías Pálsson (IP-tala skráð) 8.1.2009 kl. 16:32]

Frábært hjá þér Helga mín. Þetta var mjög flott. Þú ert hetja.

Bestu kveðjur og knús.

[Ólöf Jóhanna Pálsdóttir, 8.1.2009 kl. 17:11]

Oftast er það svo.

[Rebbý, 8.1.2009 kl. 22:28]

innlitskvitt - gaman að sjá kunnugleg andlit - sendi á þig línu til að segja þér hver ég er

[Ásthildur Cesil Þórðardóttir, 9.1.2009 kl. 11:25]

Ég sá strax að í þennan risa hafði ég ekkert að gera og varð vægast sagt skíthrædd. Svo heyrði ég alveg svakalega litla og mjóróma rödd: "Viltu gjöra svo vel að sleppa handjárnunum mínum." Jú, þetta var ég að tala, bara ekki með minni venjulegu rödd. Tröllið horfði á mig smástund, sleppti svo handjárnunum og labbaði burt. Ég kláraði að járna hinn manninn og koma honum inn í bíl og prísaði mig sæla.

Helga mín stundum geturðu verið óborganlega fyndin   en þetta er alveg rétt hjá þér.  Minn maður var í afleysingum í löggunni eitt sumar, hann sagði að það hefði alltaf gefist best að klappa æsingamönnum á öxlina og tala hlýlega til þeirra.  Hann sagði sama um dyravörslu en hann var dyravörður á dansstað í mörg ár.

[Halla Rut , 10.1.2009 kl. 00:35]

Stórar raddir geta komið frá litlum búkum. Eða er það ekki...?? Þú hefur komið þér vel á óvart...ekkert betra fyrir Egóið.

[Kristín Gunnarsdóttir, 10.1.2009 kl. 09:54]

Ég er sko ekki orðin leið á löggusögum eða öðrum sögum, get altaf hleigið eins og biluð af þeim, þú ert bara frábær, skemtilegustu bloggin eru frá þér Helga min

[Helga skjol, 10.1.2009 kl. 17:27]