Landi er viðbjóður

Í kjölfar kreppunnar hefur landaframleiðsla farið að stinga upp kollinum á nýjan leik. Eins og allir vita miða landasalar aðallega á unglingana og eru því stórvarasamir.

Fyrir um það bil 15 árum síðan ætlaði Daddi, vinur hans Styrmis, að vera ægilega lúmskur og lauma landaflösku innan á sér inn í herbergið hans Styrmis. Ekki fór betur en svo að hann missti flöskuna sem brotnaði á parketinu í stofunni. Aumingja Daddi fór alveg í kerfi, stamaði og afsakaði sig og fór svo fram og náði í tusku og þurrkaði allt upp.

Nú héldum við að málinu væri lokið. Aldeilis ekki. Bletturinn sem landinn fór á var alveg glerháll í langan tíma á eftir. Það fékk okkur virkilega til að velta því fyrir okkur hvað hefði verið í þessu eiginlega. Hvað getur það verið í landa sem gerir parket glerhált í lengri tíma? Daddi viðurkenndi á endanum að hann væri dauðfeginn að hafa ekki látið þetta ofan í sig eftir að þetta kom í ljós. Enda átti hann bara nokkrar vikur í tvítugt til að geta keypt sér áfengi löglega.

Við vörum Úlfar og vini hans kröftuglega við því að koma nokkurn tíma nálægt landa. Ekki það að þeir séu farnir að sýna einhvern áhuga á áfengisdrykkju en betra er að byrgja brunninn áður en barnið er dottið ofan í hann.

Athugasemdir

[Björn Gísli Gylfason, 19.1.2009 kl. 22:23]

Þetta hefur verið eitthvað bévítans sull því landi gerður af metnaði, þá helst frá einhverjum sem hann býr til einkanota er bara hinn ágætasti drykkur.

[Guðrún Pálína Karlsdóttir, 19.1.2009 kl. 22:36]

Þessi ánaskoti er stórhættulegur hef smá reynslu eftir að vera geskomandi sem þetta var haft um hönd.Stór hættulegt, las um að þetta hafi rekið á land fólk drukkið og orðið blint.ÓÞURI STÓRHÆTTULEGT

Sel það ekki dírari en ég keifti það hehe

Blíðlegt birtu knús til þín

[Jens Guð, 20.1.2009 kl. 03:19]

  Ég þekki ekkert til landa.  En stend í þeirri trú að hann sé svipaður vodka.  Þar fyrir utan er varasamt fyrir unglinga að kaupa drykk sem er lagaður í heimahúsi af ókunnugu fólki.

  Mér er minnistæð gömul frétt af því er lögregla á Austurlandi stöðvaði bíl með þremur gömlum mönnum.  Þeir voru allir blindfullir að drekka gambra.  Allskonar drasl flaut í gambranum.  Meðal annars dauðar flugur og pöddur.  Löggan spurði hvernig þeir gætu drukkið þennan viðbjóð.  Svarið var:  "Við látum grön sía."

  Kallarnir voru sem sagt allir með ósnyrt skegg sem óx yfir munn þeirra og gat þannig myndað síu.

[Kristín Gunnarsdóttir, 20.1.2009 kl. 09:54]

Landi er viðbjóður og engin ætti að drekka þennan óþverra, ekki mundi ég lata þetta inn fyrir minar varir. Eigðu góðan dag Helga min

[Ásthildur Cesil Þórðardóttir, 20.1.2009 kl. 11:14]

Hann var örugglega betur kominn í parketinu en í maga drengjanna Helga mín.

[Sigrún Þorbjörnsdóttir, 20.1.2009 kl. 15:24]

Það var heppilegt að strákarnir drukku ekki þetta sull. Fræðsla er góð forvörn og um að gera að ræða þessi mál við börnin.