Boðflennur

Mótmælin í dag voru svo sannarlega tímabær eins og mótmælin frá byrjun. Ríkisstjórnin og allt apparatið í kringum hana, svo ekki sé minnst á Seðlabanka, Fjármálaeftirlitið og ríkisbankana, eru bara boðflennur í stólum sínum. Þeim var að vísu boðið upphaflega, en hafa nú setið lengur en þeim er sætt og eru ekki lengur velkomin. Hvernig er hægt að sitja eins og staðfastur staur þegar fólk veit að það er óvelkomið þar? Hvers vegna hlustar þetta lið ekki á fólkið í landinu sem er víst ekki þjóðin samkvæmt sumum ráðamönnum?

Ef ekki verður farið að gera einhverjar breytingar og reyna að taka til eftir boðflennurnar mun eitthvað gerast. Eitthvað alvarlegt. Fólk er orðið fjúkandi reitt og maður þekkir varla orðið nokkurn mann sem ekki hefur fengið að finna fyrir afleiðingum gerða þessa fólks. Fólk hefur misst vinnuna, mátt sæta launalækkun, tapað sparífé sínu og jafnvel aleigunni. Allir ráðamenn skjálfa af hræðslu ef minnst er á að hrófla við Davíð Oddssyni. Hvaða hreðjatak hefur þessi maður á þeim? Þora þeir ekki í kosningar af ótta við að ný stjórn myndi hugsanlega víkja Davíð úr Seðlabankanum og þá yrði fjandinn laus?

Það eina sem gert er að skera niður í heilbrigðiskerfinu og auka gjöld og skatta á þá sem þurfa á því að halda. Það eru oft einmitt þeir sem minnst mega sín og þurfa jafnvel að fara að velja á milli að leita sér lækninga og kaupa mat og reka  heimili fyrir börnin sín. Á meðan eru allir þingmenn með aðstoðarmenn, flakka um heiminn og gista á lúxushótelum "af því ráðstefnurnar eru haldnar á fínum hótelum". Ætli þetta fólk sé skyldað til að gista á sama hóteli og ráðstefnan er haldin á?

Ég er búin að fá gjörsamlega upp í kok. Ég skil ekki þennan dónaskap sem þjóðinni er sýndur, hún er hunsuð og þeir sem voga sér að mótmæla eru skríll og eitthvað þaðan af verra.

Hvenær fattar ríkisstjórnin að við erum alveg að verða að því komin að henda henni út með valdi ef hún fæst ekki til að fara með góðu við kurteislegar ábendingar?

 

 

 

 

 

 

 

 

 

 

 

 

Athugasemdir

[Sigrún Jónsdóttir, 20.1.2009 kl. 20:22]

Ef ég væri ekki að fara á næturvakt, væri ég farin í bæinn að taka þátt í þeirri byltingu sem nú er hafin

[Ólafur Th Skúlason, 20.1.2009 kl. 20:42]

helga við vitum bæði hvað rauða spjaldið þíðir í knattspyrnu

[Ólöf Jóhanna Pálsdóttir, 21.1.2009 kl. 16:16]

Það eru nú flestir búnir að fá nóg, en eftir hverju bíða þessir menn?

[Valgeir Matthías Pálsson (IP-tala skráð) 21.1.2009 kl. 21:41]

Ég er alveg búin að fá nóg af þessum mótmælum og það fyrir þó nokkru síðan. En ég er samt alveg á því að það þurfi að verða breytingar hérna á þessu landi okkar. Það er mér alveg ljóst. En það má aðeins gæta sín, held ég.

Hafðu það sem best Helga mín og gangi þér sem best. Þú ert frábær.

[Hildur Helga Sigurðardóttir, 22.1.2009 kl. 05:39]

Orðið boðflennur segir allt sem segja þarf.

[Ásthildur Cesil Þórðardóttir, 22.1.2009 kl. 09:13]

Gott orð boðflennur, það er mín tilfinning líka, þeir hafa ekki umboð fólksins til að sitja áfram enginn af þessum sem þú nefnir.  Þess vegna þarf utanþingsstjórn strax þar sem ekki verða neinir pólitíkusar.  það er það sem þeir skilja ekki, við viljum ekki neinn af þeim, meðan verið er að bjarga landinu okkar frá hruni.

[Kristín Gunnarsdóttir, 22.1.2009 kl. 10:22]

Þetta eru meiri helvítis fíflin, þekkist ekki annar staðar í heiminum, það væri buið að steipa þeim af stóli, það eiga Íslendingar að gera

[Hulla Dan, 22.1.2009 kl. 10:27]

Skil bara ekki að þeir fatti ekki "hintin" Hvernig hafa þeir geð í sér að sitja sem fastast vitandi að þeir eru ekki velkommnir?
Það á allt eftir að verða brjálað og ekki af ástæðulausu.

[Rebbý, 22.1.2009 kl. 23:11]

þetta endar með valdinu ... því miður því þetta ættu að vera meiri gáfumenni en það að kjósa slíkt yfir sig