Rasistalakkrís

Ég keypti mér lakkrís um daginn sem er í sjálfu sér ekki í frásögur færandi. Þegar mér varð litið utan á pokann kom í ljós að framleiðandinn gengur undir nafninu Sambó. Hvað dettur manni í hug þegar maður heyrir orðið Sambó? Litli svarti Sambó vitanlega. Og hvað eiga lakkrís og litli svarti Sambó sameiginlegt? Þeir eru auðvitað báðir svartir.

Þjóðfélagið fór á annan endann þegar Tíu litlir negrastrákar var gefin út aftur. Það þótt meiri háttar rasismi. Á meðan borðar fólk lakkrís sem heitir Sambó án þess að hafa nokkuð við það að athuga.

Er þetta ekki tvískinningur? 

Athugasemdir

[Jón Steinar Ragnarsson, 4.2.2009 kl. 19:35]

Þú ert nú ekki með öllum mjalla kona. Litlar eru áhyggjur þínar, ef þú notar hausinn á þér í að velta þér upp úr svona fáránlegri vitleysu. Ég segi ekki annað.

[Guðrún Emilía Guðnadóttir, 4.2.2009 kl. 20:27]

Jú það er það.
Ja hérna þessi Jón er bara með yfirhal á þinni síðu, mikið held ég að hann sé vansæll blessaður.

Knús til þín Helga mín.

Milla

[Hrönn Sigurðardóttir, 4.2.2009 kl. 21:11]

hahahaha Helga! 

Hugsanlega hefði verið hægt að gefa tíu litlum negrastrákum svartan lakkrís frá Sambó - og allir hefður verið sáttir? Eg segi fyrir mitt leyti - ég borða bara hvítan lakkrís......

[Valgeir Matthías Pálsson (IP-tala skráð) 4.2.2009 kl. 22:54]

Elsku Helga mín. Langar bara til að senda þér mínar bestu óskir um að þér líði vel. Það er ekki gott ef þér líður illa. Ég vona að þér líði ekki illa og að þú sért í góðum gír. Ég er ekkert sérlega hress en vonandi kemur það allt saman hjá mér. Ég vona það.

Hafðu það rosalega gott elsku vinkona og knúsi knús.

Með kveðju og kærleik...

Valgeir.

[Jón Steinar Ragnarsson, 4.2.2009 kl. 23:23]

Já ég hlýt að vera við dauðans dyr af vansæld Guðrún mín að geta hlegið að svona dellu.  Kannski lagast það ef þú stráir svona hjörtum á mig. Ég verð bara að segja að ég hélt að bleiku og bláu náttfötin hennar Kollu hafi toppað pólitísku rétthugsunardelluna, en hérna hrökk hún alveg af skaftinu.

[Jón Steinar Ragnarsson, 4.2.2009 kl. 23:24]

Rasistalakkrís!

Ég verð ekki eldri.

[Bergur Thorberg, 4.2.2009 kl. 23:33]

Ertu ekki ennþá á lífi Jón minn?

[Rebekka, 5.2.2009 kl. 08:24]

Þegar ég hugsa um Sambó, þá dettur mér bara í hug.... lakkrís!

Og vel á minnst, bókin tíu litlir negrastrákar er fyrst og fremst ljóð um það hvernig 10 strákar drepast einn af öðrum úr hinum ýmsu löstum sem höfundi bókarinnar fannst negrar búa yfir, s.s. leti, græðgi, heimska o.s.frv.  Að lokum urðu þeir samt aftur 10 því sá seinasti fann sér kellingu og þau fjölguðu sér eins og kanínur á nótæm.

Bókin Litli Svarti Sambó er aftur á móti um lítinn indverskan dreng (enda engin tígrisdýr í Afríku), en vegna þess hversu dökkur hann var á teikningunum, var honum oft ruglað saman við svertingja.

Lakkrísinn sem kenndur er við Sambó er aftur á móti bara lakkrís.  Ég sé nokkuð mikinn mun á lakkrís og úreltum barnabókum..

[Helga Magnúsdóttir, 5.2.2009 kl. 09:10]

Ekki datt mér í hug að ég fengi svona mikil viðbrögð við því sem ég áleit vera létt grín. Mér fannst það nefnilega svo fyndið hvað fólk varð æst yfir negrastrákunum sem eru þó ekkert nema gömul barnaþula.

[DoctorE (IP-tala skráð) 5.2.2009 kl. 09:50]

Death to those who insult lakkrís Sambó ;)

[Jenný Anna Baldursdóttir, 5.2.2009 kl. 10:23]

Ég var æst yfir negrastrákunum en ég er brjáluð núna.

Djók.

Hahahaha

[Guðrún Emilía Guðnadóttir, 5.2.2009 kl. 21:08]

Ja hérna Jón ef þú ert við dauðans dyr, get ég eigi haft það á samvisku minni svo þú færð þrjú hjörtu
En ég skil ekkert í þínu tali um bleik og blá náttföt sem einhver Kolla á að eiga.
Vona að þú lifnir við.

Helga mín fyrirgefðu notkun mína á síðu þinni, en mátti til að lífi bjarga.
Knús til þín
Milla

[Birna Dis Vilbertsdóttir (IP-tala skráð) 6.2.2009 kl. 01:38]

[Hlynur Jón Michelsen, 6.2.2009 kl. 01:42]

Hvern fjárann er maður að eiða sínu tilgangslausa frítíma í að lesa þessa þvælu....

[Guðrún Emilía Guðnadóttir, 6.2.2009 kl. 14:08]

Hlynur það er að því að frítíminn er tilgagnslaus og þetta er komið út í tilgagnsleysi.

Góðan daginn Helga mín, sko í upphafi þessa kommenta ætlaði ég að segja:
,, Ég borða aldrei lakkrís, er ég var krakki þá hét hann krumma-lakkrís."
Knús í krús
Milla

[Kristín Gunnarsdóttir, 8.2.2009 kl. 09:06]

Þú ert bara yndisleg Helga min

[Margrét Össurardóttir (IP-tala skráð) 9.2.2009 kl. 20:48]

Góð ! engum datt þetta í hug á sínum tíma þegar negradrengirnir voru í hámæli

[Ásthildur Cesil Þórðardóttir, 12.2.2009 kl. 12:13]

Þið eruð flottust  Elsku Jón minn hér eru stolin hjörtu handa þér