Laumuspilið mikla

Þegar ég var búin með lögregluskólann var ég í tæpt ár í SRD eða slysarannsóknadeild. Sú deild sér um öll umferðartengd atvik, hvort heldur það er ómerkileg aftanákeyrsla eða banaslys. Þar vann ég með tveimur af mínum uppáhaldslöggum. Jóni Otta Gíslasyni heitnum sem bæði var stórvinur minn og giftur uppáhaldsfrænku minni. Svo var það hann Birgir Straumfjörð sem er dásamleg mannvera að öllu leyti.

Einn daginn þegar við Jón Otti vorum að rúnta og bíða eftir árekstri eða slysi var tilkynnt um bankarán í Iðnaðarbankanum í Eddufelli. Við urðum ferlega forvitin því hvorugt okkar hafði haft afskipti af bankaráni fyrr. Ekki einu sinni Jón Otti sem var búin að vera miklu lengur í löggunni en ég. Við ákváðum því að stelast á staðinn og svipast um. Það tæki örugglega enginn eftir því. Við lúmskuðumst út úr bílnum sem við máttum vitanlega alls ekki og fórum að skoða vettvang bankaránsins. Vorum bara smástund og laumuðumst svo burt aftur - héldum við að minnsta kosti.

Um kvöldið birtust myndir af okkur í fréttum beggja sjónvarpsstöðva. Það voru myndir af okkur í öllum blöðum daginn eftir. Eftir öllu þessu að dæma hefði mátt ætla að við hefðum séð um rannsóknina á þessu máli alfarið ein og upp á eigin spýtur. Eins og þetta væri ekki nóg birtust myndir af okkur í tveimur annálsbókum frá þessum tíma. Og til að bæta um betur sást myndin af okkur í sjónvarpsauglýsingum um aðra bókina. Við reyndum ekkert að laumast eftir þessar hrakfarir.

Athugasemdir

[Ólafur Th Skúlason, 26.3.2009 kl. 16:49]

sæl helga flott saga

[Helga Magnúsdóttir, 26.3.2009 kl. 17:06]

Takk, Ólafur. Það gerðist ýmislegt þegar ég var í löggunni fyrir 30 árum.

[Ólafur Th Skúlason, 26.3.2009 kl. 17:09]

já HÖRÐUR hafsteinson skipsfélagi minn var í löggunni á sama tíma

[Valgeir Matthías Pálsson (IP-tala skráð) 26.3.2009 kl. 17:36]

Flott saga hjá þér Helga mín. Gangi þér vel í dag og eigðu gott kvöld. Það er orðið svo bjart á kvöldin. Þetta er meiriháttar.

Gangi þér vel vinkona.

[Helga Magnúsdóttir, 26.3.2009 kl. 18:08]

Hörður er meiriháttar. Við vorum í sama bekk allan grunnskólann og hittumst svo aftur í löggunni.

[Guðrún Emilía Guðnadóttir, 26.3.2009 kl. 18:19]

Flott saga hjá þér Helga mín að vanda, þú laumar þeim svona í okkur eftir því sem þú hefur tíma.

Ljós til þín
Milla

[Kristín Gunnarsdóttir, 27.3.2009 kl. 07:10]

Þú ert svo góð að koma fra þér góðum frásögnum. Knus

[Ásthildur Cesil Þórðardóttir, 27.3.2009 kl. 12:00]

Ó Je minn eini Helga mín  Þessi saga er frábær. 

[Sigrún Jónsdóttir, 27.3.2009 kl. 13:09]

...þarna komst rækilega upp um ykkur.  Hvað sögðu vinnufélagarnir?

[Hallgerður Pétursdóttir (IP-tala skráð) 27.3.2009 kl. 18:10]

Hjó eftir " við vorum að bíða eftir árekstri eða slysi" Kaldhæðnislegt. En trúlega raunveruleikinn svona tölulega?

[Jenný Anna Baldursdóttir, 30.3.2009 kl. 09:13]

Mátulegt á ykkur.  Hahahahahaha.

[Helga Magnúsdóttir, 30.3.2009 kl. 19:22]

Já, Hallgerður, svona var bara lífið í SRD. Vinnufélögunum var vitanlega skemmt nema kannski stöku silkihúfu.

[Guðrún Jóhannesdóttir, 1.4.2009 kl. 13:29]