Horfa fram á við

Við Stjáni héldum upp á ferminguna hennar Birgittu barnabarns á laugardaginn eins og kemur fram í síðasta bloggi. Við héldum veisluna í Iðnó og var allt til fyrirmyndar bæði salur og veitingar.

Þarna hitti ég föðurfólkið hans Styrmis sem mér líkar ágætlega við en hitti afar sjaldan. Seinast sá ég þetta fólk fyrir tveimur árum þegar yngsta stelpan var skírð. Mér finnst það eiginlega fyndið að hitta pabba hans Styrmis og hugsa til þess að við höfum verið gift. Þetta er vænsti maður en átti ekki upp á pallborðið hjá mér til lengdar. Þegar ég sé hann finnst mér eins og ég hafi lesið um þennan tíma í bók sem er á tungumáli sem ég skil ekkert sérstaklega vel. Er mér sem sagt hulin ráðgáta. Nú finnst mér hann miklu frekar vera maðurinn hennar Systu en eitthvað fyrrverandi minn. Svo fjarlægt er mér þetta hjónaband. Taka verður þó tillit til þess að ég er búin að vera gift honum Stjána mínum í 28 ár og því langur tími liðinn. En ég fékk þessa tilfinningu bara fljótlega eftir að við skildum. Skellti fortíðinni í lás og tók framtíðinni opnum örmum.

Athugasemdir

[Valgeir Matthías Pálsson (IP-tala skráð) 23.4.2009 kl. 21:57]

Æðislegt að heyra elsku Helga mín. Þetta hefur verið frábær ferminga dagur hjá ykkur. Þetta er meiriháttar að heyra. Til hamingju með Birgittu ykkar. Ininlega til hamingju.

Frábært að allt hafi gengið vel og að þið hafið notið dagsins. Það er svo frábært.

Eigðu gott kvöld vinur og Gleðilegt sumar Helga mín. Sumardagurinn fyrsti í dag.

Sumar kveðjur og knús frá mér til þín.

Valgeir.

[Helga Magnúsdóttir, 23.4.2009 kl. 22:02]

Takk, Valgeir minn.

[Hilmar Gunnlaugsson, 23.4.2009 kl. 23:19]

Til hamingju með barnabarnið

[Ólafur Th Skúlason, 24.4.2009 kl. 07:30]

góðan daginn flott uppgjör við  fortíðina til hamingju með barnabbarnið

[Hildur Helga Sigurðardóttir, 25.4.2009 kl. 04:10]

Skil þig vel.  Til hamingju með ferminguna.  Er fegin að hafa lokið minni af í vor sem leið.

[Ragnheiður , 25.4.2009 kl. 20:05]

Já ég á einmitt svona fyrrverandi sem er alltannarrarkonumaðurídag og virðist alltaf hafa verið þannig hehe...þau eru mínir bestu vinir í dag og mikill samgangur á milli.

Til hamingju með barnabarnið og ferminguna

[Ólöf Jóhanna Pálsdóttir, 26.4.2009 kl. 15:04]

Til hamingju með barnabarnið.

[Sigrún Þorbjörnsdóttir, 26.4.2009 kl. 23:13]

Hamingjuóskir með Birgittu  

[Jenný Anna Baldursdóttir, 27.4.2009 kl. 11:53]

Svona á að grea þetta.

Til hamingju með fermingarbarnið.

[Ásthildur Cesil Þórðardóttir, 4.5.2009 kl. 09:52]

Til hamingju með fermingarbarnabarnið þitt Helga mín.  Það er örugglega best að hafa þetta svona með fyrrverandi.