Sweet sixteen

Hann Úlli minn, mömmusinnardúlludúskur, er 16 ára í dag. Mér sem finnst svo stutt síðan hann fæddist. En tölurnar tala sínu máli þannig að þetta er víst óhrekjandi staðreynd. Nú eru bara tvö ár þangað til hann verður sjálfráða og ætla ég að nota tímann til að ráðskast með hann eins og ég mögulega get. Djók.

Nýlega útskrifaðist drengurinn úr grunnskóla. Hann kom vitanlega heim með afbragðs einkunnir og verðlaun eins og hann er vanur. Við foreldrarnir skiljum ekkert í þessu því við verðum eiginlega aldrei vör við að hann læri heima en samt segir umsjónarkennarinn að hann skili öllum verkefnum vel unnum og á réttum tíma. Alveg er þetta merkilegt.

Það er fleira merkilegt með hann Úlfar. Honum hefur tekist að lifa í 16 ár án þess að það hafi þurft að gera við eina einustu tönn í honum og hann hefur aldrei tekið sýklalyf. Svo er hann bara svo þægilegur í allri umgengni, rosalega jákvæður og bara yndislegur í alla staði.

Eins og þið kannski vitið er hann Úlli minn glasabarn. Ef tæknin hefði verið orðin svo mikil að ég hefði getað ráðið hvernig barn ég vildi er ég ansi hrædd um að ég hefði ekki haft hugmyndaflug í hann Úlla, það eina sem ég hugsaði um var að hann yrði jafnfrábær og Styrmir stóri bróðir sem hann og er.

Til hamingju með daginn, krílið mitt.

Athugasemdir

[Hildur Helga Sigurðardóttir, 22.6.2009 kl. 16:50]

Til hamingju með drenginn. Strákamömmur allra landa sameinist !

[Þakklátur sonur (IP-tala skráð) 22.6.2009 kl. 17:05]

Takk kærlega fyrir! :)

[Hrönn Sigurðardóttir, 22.6.2009 kl. 17:41]

Til hamingju með snúllann

[Jenný Anna Baldursdóttir, 22.6.2009 kl. 17:52]

Öh, ég er stalpumamma og rokka.

En burtséð frá því, til hamingju með strákinn þinn.

[Guðrún Emilía Guðnadóttir, 22.6.2009 kl. 19:51]

Til hamingju með púkann, drengir eru kallaðir því nafni fyrir vestan.
Ég á 3 stelpur og einn púka, hann er yngstur og hann rokkar sko, er að koma með 4 barnið ekki dónalegt það.

[Ragnheiður , 22.6.2009 kl. 20:45]

til hamingju með hann...ég man ekki eftir að tennur hafi skemmt í mínum fyrr en þeir voru komnir "úr ábyrgð" en þá fór líka tanngarðurinn ...amk í sumum.

Hvernig er með manninn og vinnuna ? allt í lagi ? sendu mér email á [e-mail]

[Sigrún Jónsdóttir, 22.6.2009 kl. 22:59]

Innilegar hamingjuóskir með hann Úlla þinn

[Valgeir Matthías Pálsson (IP-tala skráð) 23.6.2009 kl. 12:04]

Til hamingju með drenginn þinn Helga mín. Frábært. Vonandi hefur dagurinn verið góður hjá honum og ykkur. Eigið góðan og ljúfan dag framundan. Bestu óskir um að hann verði góður.

[Sigrún Þorbjörnsdóttir, 25.6.2009 kl. 17:50]

Til hamingju með strákinn þinn  Duglegur strákur sem þú átt  

[Ásthildur Cesil Þórðardóttir, 26.6.2009 kl. 00:00]

Dálítið seint en samt innilega til hamingju með drenginn þinn Helga mín.  Tíminn líður svo svakalega hratt með þessi börn okkar.  Þau eru nýfædd og svo allt í einu orðin sjálfstæðir einstaklingar og tíminn hefur flogið þar inn á milli.