Forboðin fegurð

Þegar við fjölskyldan vorum í New York fyrir tveimur árum vorum við á gangi á Times Square þegar við komum auga á nokkra svarta stráka sem voru að dansa á götunni. Strákarnir voru ekkert smáflottir, stórir og vöðvastæltir, og dönsuðu eins og englar.

Þegar hlé var gert á dansinum dró ég upp 20 dollara seðil og veifaði honum til þeirra. Sá stærsti og flottasti kom til mín, eða seðilsins, og ég gat ómögulega stillt mig um að strjúka á honum æðisgenginn upphandlegginn og kurra: You have a very beautiful body. Ég hafði ekki fyrr sleppt orðinu en ég heyrði hvæst við hliðina á mér: Mamma! Síðan var rifið í handlegginn á mér og ég dregin á brott með þvílíkum látum að við lá að ég stæði lárétt út í loftið eins og flagg. Þegar sonur minn taldi óhætt að sleppa af mér takinu horfði hann á mig með reiðisvip og sagði: Hvað er eiginlega að þér manneskja? Þú ert 53 ára! Act your age, woman! Hann skammaðist sín svo fyrir mig að hann var blóðrjóður í framan.

Sem sagt: Ekki dást að ungum folum þegar viðkvæmir unglingssynir eru viðstaddir.

Athugasemdir

[Ólafur Eiríksson, 6.7.2009 kl. 19:11]

Það er vandlifað! 

[Valgeir Matthías Pálsson (IP-tala skráð) 6.7.2009 kl. 19:40]

Flott á því Helga mín. Það er alltaf gaman að lesa bloggið þitt. Þú mættir bara blogga oftar.

Eigðu gott kvöld og góða daga framundan.

Megi sumarið verða þér gott.

[Lára Hanna Einarsdóttir, 6.7.2009 kl. 20:04]

Ekkert má nú fyrir þessum krakkakvekindum! 

[Hrönn Sigurðardóttir, 6.7.2009 kl. 21:08]

Segi það nú.... skildu kvekindið eftir heima næst :)

[Sigrún Jónsdóttir, 7.7.2009 kl. 13:20]

Hahaha  Muna að gera það bara í hljóði

[Ragnheiður , 7.7.2009 kl. 14:19]

hahaha já það er eins gott að krakkarnir hafa ekki aðgang að heilanum í manni ...

[Jenný Anna Baldursdóttir, 7.7.2009 kl. 16:21]

Hvað varstu líka að áreita manninn.  Hahaha.

[Birna Dis Vilbertsdóttir (IP-tala skráð) 9.7.2009 kl. 11:37]

Hrönn sagði það hehehehehehe

[Borat (IP-tala skráð) 16.7.2009 kl. 15:07]

Hmmm .. næst þegar ég sé fallega konu niðri í bæ ætla ég að strjúka henni og kurra "þú ert með ótrúlega fallegan líkama".

Ég bíð þess dags sem ég skil af hverju konum leyfist svo margt sem körlum leyfist ekki.